Döyməsinə görə millidən uzaqlaşdırıla bilər.

“Mançester Siti” klubunun hücumçusu Raheem Sterling'in ayağındakı döyməyə görə “Mothers Against Guns”təşkilatı İngiltərə millisindən uzaqlaşdırılması tələb edib.Futbolçu ayağındakı yeni döymənin fotosunu “Instagram” hesabında paylaşıb. Döymədə M-16 silahının görüntüsü əks olunub. Bu, Britaniya hüquq müdafiəçilərinin narazılığına səbəb olub. “Bu döymə iyrəncdir və tamamilə qəbuledilməzdir. Biz tələb edirik ki, o, bu döyməni lazerlə silsin və ya onun üzərində başqa döymə etdirsin. Əgər o imtina etsə, İngiltərə yığmasından qovulmalıdır”, - təşkilatın nümayəndəsi Lüsi Koup deyib. 

Raheem Sterling: tənqidlərə cavab verib. “İki yaşım olanda, atam güllə yarasında həyatını itirib. Mən özümə söz verdim ki, ömrümdə heç vaxt silaha yaxın getməyəcəm. Mən sağ ayağımla zərbə endirirəm, buna görə döymənin daha dərin mənaları var”, - o, “Instagram” hesabında yazıb.